Setesdal for Ukraina
Setesdal for Ukraina var ein innsamlingsaksjon der alle inntekter (233 774 kroner) gjekk via Røde Kors til humanitært arbeid for Ukraina. Sjølve arrangementet var på Bygland Kulturscene torsdag 10. mars 2022 klokka 17–21. Der var det auksjon, basar, kulturinnslag ved Ole Christian Carlsen og Svein Kleivane og matsal. Det var også loddsal i nokre dagar forut for innsamlinga. Geir Daasvatn og Olav Grendstad var initiativtakarar til aksjonen. Finn Håkon Borgi var teknisk ansvarleg. Bygland Husflidslag ved Gro Tove Frafjord Sandnes og Nina Bygland og mange frivillige dugnadsarbeidarar kom raskt til som hjelparar. Andre sentrale personar i gjennomføringa var Guro Kvaale Skibsrud, Susanne Hegenscheidt, Camilla Josefine Høibraaten og Rita Flottorp. Mange privatpersonar og verksemder i Bygland og resten av Setesdal bidrog med gevinstar og auksjonsgjenstandar. 10. klasse ved Bygland skule pynta lokala med ukrainske flagg.
