Music Without Borders

Music Without Borders er eit forskningsprosjekt på Universitetet i Agder. Bjørn Ole Rasch er prosjektleiar og Ingolv Haaland er assisterande prosjektleiar. Annbjørg Lien er doktorgradsstipendiat. Prosjektet gav ut ei plate med tolv innspelingar der verdsmusikarar frå 17 land tolka og responderte på stev- og slåtteinnspelingar frå Setesdal. Plata Ferd kom ut på Grappa forlag i samband med bransjetreffet Folkelarm på Riksscenen i Oslo 17. november 2017.

Prosjektet starta i 2014 då musikarane Kirsten Bråten Berg, Gunnar Stubseid, Sigurd Brokke og Hallvard T. Bjørgum sine tolkningar av tradisjonell setesdalsmusikk vart sende ut til 56 internasjonale artistar frå 17 land. Desse responderte på materialet frå Setesdal, og responsen kom så tilbake til Setesdals-musikarane for ny respons. Planen er å bruke materialet vidare i forsking på UiA.

Kjelder

• Jan Frantzen: Musikere fra 17 land tolker Setesdal-musikk. Artikkel i Fædrelandsvennen 18. november 2017 side 37