Margit Dale

Fra Setesdalswiki
Share/Save/Bookmark
Hopp til: navigasjon, søk
Margit DaleSymbol unrelated.svg
Margit2.jpg
Født: 9. mars 1975 (44 år)

Margit Dale (fødd 9. mars 1975) er frå Dale i Valle. Ho vart gift år 2000 med Frode Verpe. Dei har borna Tora, Paal Brage og Una Bergljot saman. Familien bur på Systog Dale.

Margit gjekk på Hornnes gymnas der ho fullførte eksamen artium i 1994. I 1995 flutte ho til Kristiansand og tok ex.phil og ex.fac ved Høgskulen i Agder. I 1996 studerte ho Heimkunnskap ved lærarhøgskulen (årseining). Deretter flutte ho til Oslo, der gjekk ho tre år på Ullevål sjukepleieutdanning og fullførte Bachelor i sjukepleie 1999. Margit tok også delar av sjukepleieutdanninga ved «University of Newcastle, Australia»

Etter endt utdanning byrja ho å jobbe ved Ullevål sjukehus, fyrst på avdeling for immunologi og transfusjonsmedisin. Deretter på ulike medisinske og kirurgiske avdelingar på Ullevål sjukehus. I 2003 tok Margit over farsgarden og i 2005 flutte ho og familien heim til slektsgarden Systog Dale i Valle. Der bygde dei nytt kaldfjos og starta med sau, renoverte campingplassen og driv med turisme. Margit er no fast tilsett i Bykle kommune der ho jobbar som miljøterapeut.

Ellers er Margit svært oppteken av kulturarv og tradisjon. Matlaging, jakt, design/kunst og idrett er hennes store interesser. I 2014 og 2015 reiste ho rundt i Setesdal saman med meisterkokk Trond Moi og komikar Rune Andersen. Eitt av resultata av turen var praktboka Rune & Margit & Moi - I Setesdals kulinariske skattkammer, som kom ut i oktober 2015. Ambisjonen med boka er å formidle til lesarane ei oppleving av Setesdal, av kulturen, naturen, menneska og maten. Eit anna resultat av turen var den fine TV-serien Fjellmat med matprogram på TV 2. Seinare gjorde dei tre ei ny reise, som førte til ein sesong 2 med Fjellmat på TV 2 vinteren 2017.

13. april 2019 opna Nordibø Landhandel i Valletunet, ein ny etestad og landhandel som Margit står bak.

Margit Dale er engasjert i lokalpolitikken. I 2011 meldte ho seg inn i Senterpartiet og vart vald inn i kommunestyret i Valle. Ho vart attvald i 2015, står på andreplass på SP-lista i Valle 2019 og på same plass på lista til fylkestinget.

Kjelder[rediger]