Ivar Dag Homme
| Ivar Dag Homme | ||
|---|---|---|
| Født: | 16. mai 1933 | |
| Død: | 6. oktober 2020 (87 år) | |
Ivar Dag Homme (fødd 16. mai 1933, død 6. oktober 2020) var pensjonert gardbrukar og tømmermålar. Han budde på Skretveit på Skreland i Bygland. Ivar var gift med Siri Skreland Homme. Dei gifta seg i 1961, men Siri døydde i januar 2018. Borna deira er John Tomas Homme, Olav Skreland og Inger Tone Homme. Gravferda var frå Bygland kyrkje fredag 16. oktober 2020 klokka 12.
Ivar kjem opphaveleg frå garden Møkjåland (bnr. 6) i Iveland. Han gjekk på landbruksskule og traff Siri. Dei budde saman på Møkjåland i 16 år, før dei rundt 1977 flytta nordover til Bygland og Skreland for å overta bruket (bnr. 2) etter far hennar, Olav Tomasson Skreland (f. 1893, d. 1971). I 1993 overførde dei gardsbruket på Skreland til sonen Olav. Dei sette seg opp nytt bustadhus på Skreland i 1995/1996. I 2010 blei eigedomen formelt skild frå bnr. 2, og gjeve namnet Skretveit (bnr. 14).
Foreldra til Ivar Dag var John Tobias Homme (f. 1900, d. 1999), lensmann i Vegusdal og handelsmann på Vatnestrøm i Iveland i mange år, og Dora Homme (f. Fjermedal 1903, d. 1996).
Kjelder[rediger]
- Reidar Vollen, Bygland gard og ætt, bind VII, utgjeve av Bygland kommune, 2012, side 486-487
- Nils Dåsvatn, Då eg kom til Møkjåland, trykt hefte (privat), 2014
- Dødsannonse i Setesdølen nr. 77, 2020 side 2
