Hornesund bru

Fra Setesdalswiki
Share/Save/Bookmark
Hopp til: navigasjon, søk
Hornesund bru sett mot aust

Hornesund bru er ei bru over Otra ved Moisund. Ho går også under namnet Ivelandsbrua.

Hornesund bru er godt synleg i landskapet.

Hornesund bru var ein del av kompensasjonsvegen etter Setesdalsbanen[rediger]

Strekninga frå Kristiansandsområdet til Byglandsfjord vart kraftig ombygd i åra mellom 1960 og 1969. Vegen som skulle erstatta Setesdalsbanen var kalkulert til ein kostnad på 20,7 mill. 1959-kroner. I 1969 skreiv Agderposten at endelig kostnad vart rundt 30 millionar 1969-kroner. Som ein del av kompensasjonsvegen skulle også bilferjene Moi-Klepp og Byglandsfjord-Senum erstattast med 3 bruer. Hornesund bru er den sørlegaste av desse, og frå brua skulle det også byggjast ny veg mot Iveland, som ein del av kompensasjonen.

Ein uvanleg brukonstruksjon i Setesdal[rediger]

Det var Statens vegvesen som hadde veg- og betongarbeidet, og stålkonstruksjonen vart sett bort til firmaet Høsveis & Bofa frå Hønefoss. Brua vart sett saman på land, og dregen over elva på pongtongar. Ein bruka mindre stål i ein slik konstruksjon ved at hovudberarane hallar inn mot kvarandre i toppen, og brua var visstnok einaste av sitt slag den gong. Planen var at bruarbeidet skulle vera ferdig hausten 1968, men ein langvarig ingeniørstreik gjorde til at brua fyrst vart ferdig i september 1969. Vekta av brua er oppgjeve til 215 tonn, lengde til 106,77 meter og kostnad 1,5 mill. 1969-kroner.

Kart[rediger]

Laster kart...

Kjelder[rediger]

  • Ny bru Hornesund-Hodne vil koste 1,5 mill. kr. Fædrelandsvennen, 25. mai 1968.
  • Ny brukonstruksjon Hornesund-Iveland Fædrelandsvennen, 21. mai 1969.
  • Kjell Høgenes: Setesdalsbanens endeligt har kostet Staten omkring 30 millioner kroner for 50 km. ny vei i Aust-Agder Agderposten 22. nov. 1969
  • Statens vegvesen.