Ørnefjell (Lislevand)

LIslevand, med Ørnefjell som reisar seg bratt bak husa i garden, 2. juni 2018.

Foto: Geir Daasvatn

Ørnefjell er eit fjell eller ein ås rett nord for busetnaden på Lislevand, aust i Evje, i Evje og Hornnes kommune.

Tur i området

Dette er ikkje ein utprega topp med eit spesielt utkikkspunkt, men heller ei lang fjellside med mange mogelegheitar for å sjå utover landskapet. Det er ikkje tydelege stigar til områda med utsikt. Ein bør vere forsiktig på nokre av strekningane, og heller ta ein omveg.

Geologi

Geologisk sett består heile fjellet tilsynelatande av ein granittisk gneis med massevis av mindre pegmatittar som ser ut å vere resultat av anateksis. Ørnefjellet er truleg del av eit større drag med granittiske gneisar som kan følgast heile vegen til Skarveheia.

Sjå også

• Ørnefjell (Evje) (langs Fylkesveg 42 mellom Evje sentrum og Galteland)
• Ørneknuten (på Vikstøl i Evje)

Kjelder

• Ørnefjell på Lislevand på Norgeskart.no
• Opplysningar gitt av geolog Ronald Werner til Setesdalswiki