Kaupmannsbui
Kaupmannsbui er ein støyl i Støyledalen innanfor Nordbygdi i Bykle. Staden var bortestøyl for gardsbruket Myri i Holen. Det er ein stor, flat og ven støyl, skriv Knut Gjerden i Bykle kultursoge.
På Kaumpmannsbui var det marknad for byklarar og for «nordmenn» (folk frå Vestlandet) kvar sommar på 1600-talet og truleg til utpå 1700-talet.
Kjelder
- Leonhard Jansen m.fl., Frå postveg til riksveg - vegar og vegminne langs riksveg 9, Bokbyen Forlag, 2018, side 22
- Artikkelen om Myri på Lokalhistoriewiki, tufta på same i Heimar og folk i Bykle av Aanund Olsnes
- Knut Gjerden, Bykle kultursoge, utgjeve av Bykle kommune, 1993, side 511