Tarjei Bratteland

Tarjei Bratteland
Tarjei saman med kona Ingebørg. Foto: Heimar og folk i Bykle
Født:	22. oktober 1894
Død:	14. februar 1990 (95 år)

Tarjei Helleikson Bratteland (fødd 1894, død 1990) var bonde på gardsbruket Evre Dysje på garden Dysje i Botnen, på nordsida av og langt vest ved Botsvatn i Bykle. Han var fødd på Bratteland, men kom til Dysje i 1907.

Tarjei var gift med Ingebjørg Bratteland (fødd Åmli). Dei to var dei siste fastbuande på Dysje. Dei flytta frå garden i 1954. I 1969 overførte dei gardsbruket til sonen Helleik Bratteland.

Då Tarjei og Ingebjørg reiste frå Dysje, kom dei først til Skreros. Frå då av arbeidde Tarjei som skogsarbeidar. Etter at heile barneflokken var flytta ut, budde dei på Oggevatn, og deretter på Hovland i Vegusdal, der Tarjei var forpaktar og skogsarbeidar. Deretter flytta dei attende til Oggevatn, før dei budde ei tid på Greppestøl i Ålefjær. Dette vart svært mange flyttingar, før dei tilslutt flytta til Vågsbygd i 1964, og budde der i huset til sonen Helleik livet ut.

Kjelder

• Eivind Bratteland, Dysjesoga, utgjeve på eige forlag, 2018, side 73–74, side 179
• Artikkelen om Evre Dysje på Lokalhistoriewiki, tufta på famstillinga til Aanund Olsnes i Heimar og folk i Bykle, band III, utgjeve av Bykle kommune, 2006, side 43–47