Ånaråne

Ånaråne renn ned gjennom Ånarådalen og ut i Botsvatn frå nord, mellom Strondefjell i aust og Brattlandsfjellet i vest, i Nordbygdi i Bykle. Tett ved Ånaråne, heilt ned mot Botsvatn, ligg Skolås. Nedre del av elva blei difor tilbake i tid gjerne kalla Skolåsåne. Dei som budde i Botnen gjekk opp langs Ånaråne når dei vår og haust måtte over Strondefjell for å kome til Nordbygdi.