Oddestemmen (dam)
Foto: Geir Daasvatn
Oddestemmen var ein dam som var bygd ovafor Oddefossen i Oddeåna i Evje, truleg ca. 1876 i samband med drifta av Flåt nikkelgruve i Mykleåsen. Oddestemmen høyrde til Evje prestegard, og soknepresten gav gruveselskapet lov til å bygge dammen for å demme opp Oddeåna her. Føremålet var at vatnet skulle drive eit kjempestort vasshjul under fossen, som igjen via ein 1666 m lang stålvaier dreiv gruveheisen i skråsjakta oppe i gruva.
I dag (2025) er det bare restar igjen av dammen. Men området der han var kallast framleis Oddestemmen.
Kjelder
- Sigmund Monen, Flåt nikkelgruver og bygda. Arbeidarhistorie, utgjeve av Evje og Hornnes kommune, 2016, side 144–151