Tveit sag
Foto: Geir Daasvatn
Foto: Geir Daasvatn
.jpg)
Foto: Geir Daasvatn
Tveit sag er eit nedlagt sagbruk i ein foss i Tveiteåna, rett aust for garden Austre Tveit. Her hadde Olav N. Sundbø sag og høvleri, som han dreiv i mange år. Det var på vestsida av åna. Etter han overtok sonen Torbjørn Tveit. Han bygde eit nytt, svært sagbruk på austsida av fossen. Saga var ei vassdriven turbinsag (50 hestekrefter). Det kom elektrisk straum til Tveit i 1951. Men vassturbinen blei ikkje skifta ut med elektrisk motor.
Det var helst svigersonen til Tveit, Ingemund Bjorå, som kom til å drive dette nye sagbruket. Det skal ha vore i drift frå rundt 1950 til 2000. På det meste var det jamt fem mann i arbeid på saga. Det blei skore svært mykje stav her.
Kjelder
- Oddmund Mogstad, Vassdragsnamn i Evje og Hornnes, artikkel i Arnstein 2009, side 30–37
- Olav O. Uleberg, Kultursoge for Evje og Hornnes, band I, utgjeve av Evje og Hornnes bygdeboknemd, 1990, side 194
- Artikkelen om Tveit sag på Kulturminnesok.no