Tveitåna (Evje)

Ei uvanleg stor Tveitåna fløymer over rett nord for Tveit i Flatebygd etter det kraftige regnværet som skylla over Evje 3. august 2014.

Foto: Geir Daasvatn

Tveitåna 10. april 2024.

Foto: Geir Daasvatn

Tveitåna er ei lita elv som renn ut av Årekleppvatnet på Vatsendheia. Ho renn sørover heiene, gjennom Puttetjønn og kjem ned ved Tveit i Flatebygd i Evje. Langt oppe i åna ligg Stafossen (Stavfossen), ein lang foss som er rett som ein stav.

I dag blir Tveitåna gjerne kalla Nordåna nord for Tveit. Dette i motsetnad til Søråna (Flåtåna), som renn gjennom Flatebygd og vidare sør for Tveit, der ho renn ut i Nordåna. Frå Odde og nedover til elva møter Otra nedanfor Birkelandsfossen blir ho kalla Oddeåna.

Kjelder

• Olav O. Uleberg, Kultursoge for Evje og Hornnes, band 1, 1990 s. 18
• Oddmund Mogstad, Vassdragsnamn i Evje og Hornnes, artikkel i Arnstein, 2009, side 30–37
• Arvid Tveit og Oddmund Mogstad, Tveit i Evje, artikkel i Arnstein, 2003, side 21–33

Eksterne lenker

Bilete frå Tveitåna på Flickr

Kart

Laster kart ...