Skottedalskleiva
Foto: Geir Daasvatn
Skottedalskleiva var ein lang bakke på den første køyrevegen for hest og vogn nordover frå Kristiansand, i heia mellom Skottedal og Bue i Øvrebø i Vennesla kommune.
Ein eldre køyreveg i kleiva blei bygd rundt 1832. Attgrodde restar av denne første vegen kan ein framleis finne på austsida (nedsida) av kleiva slik ho ser ut i dag. Ei «ny» kleiv blei bygd ein gong i tidsromet 1844–1848. Ho var i bruk som setesdalsveg til rundt 1874. 1872–1874 blei det bygd ny veg mellom Mosby og Homstean, etter same line som Riksveg 9 har i dag, men rundt Vehuslona.
Kjelder
- Jon Åsen, Hægelands-boka. III. Kultursoga, 1967, kapittelet om kommunikasjonane
- Jon Åsen, Øvrebø-boka. I. Gard og ætt, 1951, side 49
- Torfinn Normann Hageland, Gamle veger i Vest-Agder, utgjeve av Statens vegvesen, Vest-Agder, 2000, side 185