Juvassvegen

Juvassvegen er ein veg i Austegard i Åseral. Han går på austsida av elva Logna, frå Austegard i nord-austre enden av Lognavatn, og nordover til Juvassdammen i søre enden av Juvatn. Vegen vart bygd midt på 1950-talet, som anleggsveg til Juvassdammen som då vart bygd. Vegen er open for almenn ferdsle. Han går mellom anna forbi dei vakre fossane Store-Rjukan og Lisle-Rjukan i Logna-elva.