Jan Dagfinn Dalen
Jan Dagfinn Dalen
| ||
|---|---|---|
| ||
| Født: | 21. oktober 1959 (66 år) | |
Jan Dagfinn Dalen (fødd 21. oktober 1959) er frå 1. september 2022 ordførar i Bykle. Han overtok då vervet etter Jon Rolf Næss, som hadde søkt om ritak etter å ha blitt vald til leiar av LVK.
Jan har vore banksjef i Sparebanken Sør Hovden i ei årrekke. Han vaks opp i Røldal og gjekk på gymnaset i Odda, der han var ferdig i 1978. Etter militærteneste tok han telegrafistutdanning i Kristiansand og seilte deretter frå 1981 til 1986 i utanriksfart for Leif Høegh & Co. Frå 1986 til 1988 tok han økonomisk administrativ utdanning på Agder Distriktshøgskule. Deretter fekk i 1988 han jobb som kunderådgjevar i banken på Hovden, og i 1999 vart han banksjef.
Han er glad i reinsjakt og friluftsliv og er leiar i Bykle fjellstyre. Han har vore medlem av Bykle kommunestyre sidan 2007 for Bykle Arbeidarparti.
Kjelder
- Informasjon gjeve på Felles kommunestyremøte 15. desember 2011
- Olav Åsen Haugsgjerd, Samrøystes vald til ny ordførar, artikkel i Setesdølen nr. 66, 2022, side 4