Lokalhistoriske perler. På tur med Oddmund Mogstad

Lokalhistoriske perler. På tur med Oddmund Mogstad er ei bok der Evje og Hornnes Sogelag har samla stykke skrive av Oddmund Mogstad (1929-2014). Stykka Oddmund skreiv i Setesdølen før vandreturar sommarstid i skog og mark etter gamle ferdslevegar og til tufter etter gamle buplassar i lokalmiljøet, hovudsakleg i Evje og Hornnes og Bygland, utgjer hovudtyngda i boka. Ho inneheld også mange bilete, både gamle og nyare bilete frå vandreturane. Dei fleste turane er blitt avmerkte på kart, som er plasserte saman med omtalen av dei einskilde turane. I innleiinga til boka har Erik Kjebekk skrive ein brei omtale av veterinæren og historikaren Oddmund Mogstad og livet hans.

Boka er utgjeve av Evje og Hornnes Sogelag, 2018. Design og tilrettelegging er ved Jostein Wasbø. Karta er lagt til rette av Kåre Hodne. 208 sider. ISBN 978-82-992203-8-5.

Kjelder

• Boka