Leesland

Leesland er ein gard på heia sør-aust i Iveland, ca. seks kilometer sør-austover frå Skaiå langs Leeslandsvegen. Han er ein av Landnåmsgardane i Iveland.

Det er to hovudbruk i garden, «Der heim» og «Der ute». Husa på desse bruka ligg ca. 100 meter frå kvarandre. I same området er det også eit nyare bustadhus. To andre bruk, Stølen og Budalshei, ligg eit stykke unna og er skilde frå hovudbruka i si tid.

Historie

Garden er truleg rydda i folkevandringstida. Fram til år 1650 var det eitt bruk. Då blei garden delt i to like bruk. To søner av eigaren, Christen Leisland, fekk kvar sine bruk.

Kjelder

• Aslak Fjermedal, Iveland Gards- og ættesoge, utgjeve av Iveland bygdesogenemnd, 1955, side 268-292