Salve Tellefson Kvinen

Salve Tellefson Kvinen (fødd 1792, død 4. november 1866) var husmann i Kvistoga under Øvre Hegland i Bygland. Kona var Gunhild Karlsdotter Handeland (f. 1794, d. 1867). Mellom borna deira var Margit Salvesdotter Ose.

Salve kom opphaveleg frå Nedre Kviplassen på austre sida av Kvifjorden, på grensa mellom Bygland og Sirdal, langt inne i Bygland vesthei. Foreldra var Tellef Tarjeison Suleskar (f. 1748, d. 1831) og Margit Gunnarsdotter Ådneram (f. 1748, d. 1825). Han budde i Segberg, på Sordal, på Ose og på Austad minst til 1843. Kvistoga på Hegland må såleis ha blitt rydda etter 1843.

Då Salve døydde i 1866 var han kalla «legdslem». På kart frå 1850 er staden der Kvistoga låg kalla «Fattighuus».

Kjelder

• Reidar Vollen, Bygland gard og ætt, bind I, utgjeve av Bygland kommune, 2002, side 368 og side 374-375