Stavenes
Foto: Geir Daasvatn
Stavenes er ein gard (gnr. 16) og ei lita grend i Bykle. Ho ligg på austsida av Otra, om lag 3 kilometer aust for Bykle kyrkjebygd. Stavenesvegen går over Dam Sarvsfoss til grenda frå hausten 2015. Det er fire hovudbruk og fleire mindre bruk og eigedomar i grenda. Men i 2015 var det bare ein fastbuande.
Historie
Aanund Olsnes skriv i Heimar og folk i Bykle at garden truleg er mellom dei eldre i Bykle. Han kan vere busett i før-kristen tid (før år 1000), eller i det minste i høgmellomalder (før år 1350).