Besteland Der hite (Valle gnr. 71 bnr. 2)
.jpg){kind=link}
.jpg)
Besteland Der hite er eit nedlagt gardsbruk (gnr. 71 bnr. 2) på Besteland i Hylestad, heilt sør i Valle. Der hite er eitt av dei tre opphavelege hovudbruka i garden. Desse bruka ligg litt opp i dalsida, og er på kart kalla Øvre Besteland. Ein kjem dit ved å følge Bestelandsvegen ca 800 meter oppover i terrenget frå Riksveg 9 nede på flata. I gards- og ættesoga for Hylestad, utgjeve 1985, skriv Alfred Ryningen at husa står tome. I dag (2017) er det tidlegare våningshuset i bruk som fritidsbustad. Ingebjørg Sigurdsdotter Helle, busett på Hosle i Bærum, er heimelshavar. Ho er dotter av polarforskaren Sigurd Gunnarson Helle (1920-2013). Han var fødd i Hylestad, og hadde overteke Der hite på Besteland då søskenbornet Helga Helle døydde i 1971.
Kjelder
- Alfred Ryningen, Valle kommune I Gards- og ættesoge Hylestad, utgjeve av Valle kommune, 1985, side 37-46
- Kart og opplysningar i grunnboka på nettsida til Statens Kartverk
- Artikkelen om Sigurd Helle på Wikipedia (bokmål), besøkt 6. mars 2017