Dreng Ose
| Dreng Ose | ||
|---|---|---|
| Født: | 10. juni 1896 | |
| Død: | 3. september 1990 (94 år) | |
Dreng Gunnarson Ose (fødd 1896, død 1990) var bonde på Ose og meisterspelemann i Setesdal.
Dreng dreiv ættegarden på Ose (bnr. 1), men var først og fremst spelemann. Han skal ha hatt fele frå han var rundt seks år. 16 år gamal tok han sin første premie i kappleik. I 1923 deltok han på den første landskappleiken, som var i Bergen. Her blei han kåra til bestemann.
Dreng Ose var ein svært aktiv spelemann. Han spela på stemne, i bryllaup og ved andre samkomer. Han var med på å skipe Setesdal Spelemannslag i 1930. Han var læremeister for mange andre spelemenn, mellom anna Otto Furholdt og Såvi Rysstad. Han tilførte Setesdalsmusikken nytt slåttetilfang. Komposisjonen Fosslien er vel kjent.
Dreng var gift med Turid B. Ose (fødd Heistad). Gunnar D. Ose er sonen deira.
Heider
- Æresmedlem i Landslaget for Spelemenn
- Æresmedlem i Setesdal Spelemannslag
Kjelder
- Reidar Vollen, Bygland gard og ætt, bind III, utgjeve av Bygland kommune, 2005, side 512-513
- Gunnar Lande og Hallvard T. Bjørgum, Setesdal Spelemannslag 50 år. 1930-1980, jubileumsbok, 1981, side 139 og 302