Hovslagervegen

Hovslagervegen med Hovslagervegen bufellesskap sett frå Ljosheimvegen.

Foto: Geir Daasvatn

Hovslagervegen er ein liten veg i Evje sentrum, i området mellom Sagatunbygget og Evjeheimen. Vegen går nord-austover frå Ljosheimvegen, bak Posthuset. Ei grein går i nord-vestleg retning på baksida av Intersport Evje og Tryggheim bedehus til bustadhusa i området. Ei anna grein svingar meir austover på baksida av Evjeheimen og endar ved bustadhuset til Ricky Smeland og Liv Flaat. Hovslagervegen bufellesskap ligg på flata mellom Hovslagervegen og Evjeheimen.

Gata skal vere oppkalt etter grovsmeden og hovslagaren Tørres Tørresen, som var smed først i Flåt nikkelgruve (1910-1927) og seinare ved Evje nikkelverk (1927-1946).

Kjelder

• Kommunekart.com
• Sigmund Monen, Evje nikkelverk og bygda. Arbeidarhistorie, utgjeve av Evje og Hornnes kommune, 2016, side 115

Kart

Laster kart ...