Futegarden

Futegarden er ein eigedom (gnr. 15 bnr. 5) under garden Hornnes i Evje og Hornnes kommune. Landhandlar Adolph Johan Abrahamsen åtte eigedomen på 1800-talet, til 1864. Kjøpmann Abrahamsen skal ha vore den første til å drive landhandel i Hornnes. Frå 1865 til 1919 blei eigedomen nytta som bustad og kontorstad for futane i Setesdal. Seinare vart han nytta til lektorbustad for lærarar ved Hornnes gymnas. I dag er eigedomen i privat eige. Pensjonert lektor Kåre Messel eig han.

Kjelder

• Olav O. Uleberg, Hornnes I, Gards- og ættesoge, utgjeve av Hornnes bygdesogenemd, 1969, side 343-345