John T. Dåsvatn

John T. Dåsvatn (fødd 1870, død 1964) var småbrukar i Kleven på Øvre Dåsvatn i Hornnes og vegvaktar i Dåsvannsdalen. Han var gift med Anna S. Dåsvatn (fødd Ose). Dei hadde borna Tomas Daasvatn, Tora Kjetså, Marie Vika , Gunhild Skripeland og Torborg Uleberg. Foreldra til John var Tomas Johnson Tønnesland-Espetveit-Dåsvatn og Tora Johnsdotter Dåsvatn (fødd Kjetså).

John vaks opp på Espetveit i Hornnes. Rundt 1880 flytta familien til Støylen. I 1891 kjøpte foreldra småbruket Kleven på Øvre Dåvatn. John og Tora flytta heim og overtok småbruket då begge foreldra døydde i 1926. Bruket var ikkje stort. Utmarka og slåttemarka var bratte og tungdrevne. I tillegg til gardsdrifta hadde John jobb som vegvaktar for vegstykket mellom Staven på grensa til Åseral og Våebrua ved Støylen i Dåsvannsdalen. Han fekk betaling for 100 arbeidsdagar på vegen. Han var også aktiv i lokalpolitikk, og sat fleire år i kommunestyret i Hornnes.

Kjelder

• Torleiv Vika, Våre røter - Kleven Øvre Dåsvatn, trykt hefte (privat)