Straume kraftverk

Straume kraftverk er eit planlagt småkraftverk i Kvernåni på Straume i Hylestad i Valle kommune. Som eit ledd i utbygginga skal Svartetjørn oppe på heia aust for Straume regulerast med ein meter. Kraftverket vil produsere om lag 11,7 GWh. Det er nok til å dekke det årlege forbruket til ca 580 husstandar. Tenkt byggestart er hausten 2016. Utbygginga er kostnadsrekna til vel 30 millionar kroner. Fem lokale grunneigarar er saman om prosjektet. Styreleiar og dagleg leiar i utbyggingsselskapet er Stein Føreland Straume.

Kjelder

• Ole Birger Lien, Satsar vel 30 mill. kr. på Straume kraftverk, artikkel i Setesdølen nr. 11, 2016, side 5