Høgetveit
Høgetveit er ein gard (gnr. 44) i Evje og Hornnes. Garden ligg aust for Evje sentrum, langs fylkesvegen som går frå Galteland mot Iveland. På første halvdel av 1900-talet var det svær gruvedrift etter feltspat på Høgetveit. I dag driv eigarane Sjur Høgetveit og Wenche Rundsag Høgetveit stort innan fruktproduksjon, særleg med morellar.
Historie
Garden er i bruk i 1601, og svarer då både leidang og tidend. Men namnet tyder på at han ikkje er eldre enn frå omlag 1200. Rundt den tida gjekk «hå» over til «høg». Mest truleg har garden gått ut frå Rosseland.
Kjelder
- Oddmund Mogstad, Gardsnamn i Evje, artikkel i Arnstein 2008, side 34