Henriksens veg
Foto: Geir Daasvatn
Henriksens veg er ein liten bustadveg på Verksmoen i Evje, på austsida av Rv-9, tvers overfor krysset inn til YX Evje og Spar Evje. Vegen går sør-austover frå Jernbanegata og er bare omlag 90 meter lang. Han endar inn mot grensa til Evjemoen skyte- og øvingsfelt, og er såleis ein blindveg. Vegen er oppkalt etter Ferdinand Henriksen; initiativtakaren til den svære gruvedrifta som starta i Evje frå 1870-talet.