Straumsfjorden

Straumsfjorden (757 m.o.h.) er ein stor innsjø som ligg i Setesdal Austhei, i kommunane Bygland og Valle i Aust-Agder fylke. Straumsfjorden er ein del av Tovdalsvassdraget.

Ved Straumsfjorden er det funne ei rekke forminne frå steinalderen og jernalderen (inkludert vikingtida). Steinalderbuplassane ligg så tett at ein nærast kan tale om eit samanhengande buplassområde der det til sine tider må ha opphalde seg mange menneske eller jegergrupper. Ein pollenanalyse frå ei myr ved Straumsfjorden viser at det gjekk husdyr og beitte der 2600 år f.Kr.

Ved Straumsfjorden var det i 1845-1850 eit veldig hektisk, men diverre kortvarig gruveeventyr, då Det Sæthersdalske kobberverk prøvde å hente ut kobber frå fjella nord for fjorden.

Kjelder

• Leonhard Jansen, Dei første setesdølar, artikkel i Spor i Setesdalsjord, utgitt av Aust-Agder fylkeskommune og Setesdalsmuseet, 2014, s. 25-33
• Johan Christian Frøstrup m.fl., Vandringer i Setesdal Austhei, Friluftsforlaget, 2014, s. 257-260 og s. 322-325