Nordåni småkraftverk

Kraftstasjonen i 2013, med Bygland frivilligsentral på tur.

Foto: Reidar Tveito

Nordåni småkraftverk er eit vasskraftverk på Jordalsbø i Bygland. Det nyttar ein netto fallhøgde i elva Nordåne på 170 meter, og vatnet vert leia i ei 1700-1800 meter lang røyrgate. Kraftverket har ikkje eit eige magasin, men nyttar vatnet i elva. Det kan maksimalt levera 1200 kW, med ein produksjon på 4,5GWh. Nordåni småkraftverk har ein vertikal Pelton-turbin, med ein yteevne på 1320 kW.

Fem lokale grunneigarar eig småkraftverket, som kosta 8 millioner då det vart bygd i 2005-2006. Det opna 30. mai 2006.

Eksterne lenker

• «Nordåni kraftverk» på bokmåls-wikipedia (Vitja 1. desember 2014)
• «Nordåni kraftverk» på Fadum tekniske sine nettsider (Vitja 1. desember 2014)
• «Nordåni småkraftverk» på NVE sine nettsider (Vitja 1. desember 2014)