Matkronvegen

Matkronvegen er ein om lag 10 km lang (bom)veg frå Riksveg 42 ved Bjørndalsvatn til Nedre Øyvatn på heia heilt vest i Evje og Hornnes kommune.

Første stykket, frå Bjørndal til Gåseflå, stod ferdig 3. oktober 1959. Andre parsellen, frå Gåseflå til Matkrona, blei ferdig hausten 1963. Desse to vegstykka vart bygde som vanlege bygdevegar. Så, i 1963-1965, bygde ein skogsbilveg fra Matkrona, forbi Gunnarsvatnet fram til Nedre Øyvatn. Dette siste vegstykket er kring 7 km langt. Det var sju skogeigarar frå Hornnes-garden, Tveit og Bjørndalsbygda som kosta vegen. Då vegen kom, vart det mogeleg for skogeigarane å ta ut store verdiar frå dei svære skogane i Bjørndalen.

Kjelde

Olav O. Uleberg, Kultursoge for Evje og Hornnes, band I, utgjeven av Evje og Hornnes bygdeboknemd, side 206 og 288