Indrestøyl

Indrestøyl er eit småbruk (Evje og Hornnes gnr. 8 bnr. 13) på Støylen i Dåsvannsdalen i Hornnes. Heimelshavar (2023) er Kjell Ove Kallhovd.

Historie

Indrestøyl blei først rydda som husmannsplass rundt 1850. Den første husmannen var Tarjei Olson Steinsland (f. ca. 1814, d. 1864). Enka hans, Aslaug Olsdotter, reiste frå staden med borna kring 1867. Ola Guttormson Kallhovd budde som husmann i Indrestøyl i ni år frå 1867. Thomas Johnson Tønnesland-Espetveit-Dåsvatn var husmann her i ni år frå rundt 1877–1878, men flytta seinare til Kleven på Øvre Dåsvatn. Fleire andre familiar var innom og budde på staden, til Ola Åsuvson Kallhovd (f. 1873, d. 1942) fekk Indrestøyl av bror sin i 1906. Eigedomen blei skyldsett same år.

Kjelder

• Olav O. Uleberg, Hornnes I, Gards- og ættesoge, 1969, side 236–238