Ørevatn
Ørevatn (Øre) er eit ca 9 km langt, smalt vatn i Åseral lengst nord i Mandalen. Arealet er 3,83 kvadratkilometer. I nordre enden av vatnet ligg kommunesenteret Kyrkjebygda. Langs austre breidda av vatnet går Fv-455. Ved Fiskland går Fv-306 vestover over Ørevatn på bru forbi Skjerka kraftverk til Eikerapen.
Inn i Ørevatn frå nord renn elvene Monn og Logna. Skjerka renn ned fjellsida frå vest. Ut av vatnet i sør heiter elva Mandalselva. Ørevatn er regulert til magasin for Håverstad kraftverk.