Sharrox

Sharrox var ei lokal musikkgruppe på 1970- og 1980-talet. Frå starten var Mona Ida Håvorstad vokalist, Sveinung Roland var sologitarist, Anders Omestad var gitarist og vokalist, Andres Birkeland spelte trommer og Jørgen Galteland var på bass. Jørgen reiste snart avgarde til studier i Trondheim. Vidar Frøysnes kom inn på bass. Men før han rakk å kome i gang som bassist slutta Anders i bandet og Vidar overtok plassen hans. På bass kom Jørund Georg Jore inn.

I ei stor oppsummering av sine 50 år i musikken skriv Vidar Frøysnes at Sharrox var eit levedyktig band med aktive musikarar. Bandet kunne halde det gåande jamnt over fleire år med ei ganske fast besetning. Frå 1973 spelte bandet over heile området "sønnafjells". Siste dans med Sharrox var på Revsnes Hotell på Byglandsfjord vinteren 1978. Bandet hadde ei siste fulltallig samling, eit jubileum med publikum og konsert/dans, 27. oktober 1996 på Byglandsfjord. Der stoppa soga om «gamle» Sharrox.

I 1980 hadde gruppa desse medlemene:

• Sveinung Roland, steelgitar, sologitar og trekkspel
• Torgrim Juvastøl, bass
• Andres Birkeland, trommer
• Anders Omestad, rytmegitar og sang
• Linda Torjussen, piano og sang

Fredag 19. september 1980 spelte gruppa på Breidablikk kro på Byglandsfjord saman med Bjøro Håland.

Kjelder

• Bjøro Håland og Sharrox på Breidablikk. Artikkel i Setesdølen nr. 74, 1980 side 2
• Vidar Frøysnes, 50 år i musikken, stykke i Setesdal og setesdølar 2026, utgjeve av Setesdal sogelag, utgjeve mars 2026, side 6–49