Veringsåe kraftverk

Utsyn frå Veringsnuten mot Breive 9. desember 2017. Kraftverket er i området mellom, t.v. i biletet.

Foto: Søren Gyldenøhr Beckmann

Veringsåe kraftverk under bygging 15. august 2022.

Foto: Geir Daasvatn

Veringsåe kraftverk skal utnytte fallet i Veringsåe ved vestre enden av Breivevatnet vest for Hovden i Bykle. Kraftverket er under bygging vinteren 2022. Det vil produsere om lag 5,4 GWh i året, tilsvarande straumbruken til 270 husstandar. Norges Vassdrags- og Energidirektorat (NVE) gav konsesjon for tiltaket i 2016.

Det er grunneigarar i Breive saman med selskapet BN Prosjekt AS i Akershus som står for utbygginga. Innehavar av konsesjonen er Veringsåe Kraft AS. Grunn- og betongarbeidet blir utført av Nomeland Maskin.

Kjelder

• Sigurd Haugsgjerd, Byggjer også ut Veringsåe på Hovden, artikkel i Setesdølen nr. 11, 2022, side 12

Eksterne lenker

• Konsesjonssaken hos NVE

Kart

• Norgeskart.no