Randi Østerhus: Skilnad mellom versjonar
Utvidet artikkelen |
s Rettet formatering i referanser |
||
| Line 14: | Line 14: | ||
== Referansar == | == Referansar == | ||
< | <references/> | ||
{{DEFAULTSORT:Østerhus, Randi}} | {{DEFAULTSORT:Østerhus, Randi}} | ||
Versjonen frå 19. november 2016 kl. 16:20
| Randi Østerhus | ||
|---|---|---|
| Født: | 4. april 1874 | |
| Død: | 22. april 1966 (92 år) | |
Randi Østerhus (fødd 1874, død 1966) var gardskone og husmor på bruket Vollen på garden Austerhus i Flatebygd i Evje. Ho var gift med Søren Østerhus (Søren stiger).
Randi var fødd i Bjelland i Vest-Agder. Ho vaks opp litt utanfor Mandal. Mora døydde då Randi var berre tre år gamal. Faren døydde då ho var 11 år. Ho mista også to syskjen. I åra etterpå budde ho rundt omkring hos tilfeldig kjente eller fjern familie. «Eg budde hos dei som baud minst for meg», sa ho seinare. Ho var altså «akkedert» bort av fattigstyret i heimbygda.
Frå før Randi var 15 år gamal var ho tenestejente på gardane i Mandalsdistriktet. Ei stund tente ho på Sødal i Kristiansand. 20 år gamal gifta ho seg med Søren, og flytta inn med han i farsgarden hans i Austerhus. Husa stod den gongen nedanfor Gautestadvegen. Seinare flytta familien inn i den nye Stigerboligen ovafor vegen.
Randi og Søren fekk 15 born tilsaman, åtte jenter og sju gutar. Nils Østerhus var eitt av borna. Ole Østerhus var også son deira. Men to born døydde av polio då dei var små. To andre døydde under spanskesjuka i 1918. Seinare mista dei ei dotter til.
«Alle i bygda, både høg og låg, såg opp til Randi eller «Rannei» som dei kalla henne. Alle i bygda såg på henne som eit heidersmenneske av første klasse», skriv Sigmund Monen i sitt store verk om gruvedrift og nikkelindustri i Setesdal.[1]
Kjelder
- Sigmund Monen, Flåt nikkelgruver og bygda. Arbeidarhistorie, utgjeve av Evje og Hornnes kommune, 2006, side 95-98
Referansar
- ↑ Sigmund Monen, Flåt nikkelgruver og bygda. Arbeidarhistorie, utgjeve av Evje og Hornnes kommune, 2006, side 95 andre spalte