Vassend: Skilnad mellom versjonar
s endring navn |
|
(Ingen skilnad)
| |
Versjonen frå 3. mai 2011 kl. 10:16
Vassend ligg i sørenden av Byglandsfjorden. Ein ser staden best når ein kjører sørover etter å ha passert rundkøyringa på Byglandsfjord. Etter eit par hundre meter kryssar ein brua over Vassendkilen. I ein periode stod den sørlege bomstasjonen for Riksveg 9 sør for Vassend.
Vassend har gardsnummer 69 i Bygland og det har vore busetnad her i lang tid. Då stasjonsbyen Byglandsfjord vaks fram etter at Setesdalsbanen vart opna i 1896, var det fyrst tale om at endestasjonen skulle heite Vassend. Men NSB hadde ein annan stasjon med dette namnet, så då vart det Byglandsfjord i staden.
Paal Vollen fortalde i eit radioprogram at tidlegare så høyrde Vassend inn under Evje kommune. Men ein bonde klara ikkje å få son sin konfirmera, helst fordi han meinte evjepresten hadde for store krav til åndeleg kunnskap. Difor la han garden sin under Bygland, og så vart guten til slutt konfirmera av byglandspresten.
Alle eigedomane på Byglandsfjord har same gardsnummer som Vassend, og ei av gatene i bygda heiter Vassendgata.