YX Tour de Bortelid
Hopp til navigering
Hopp til søk
.JPG)
Arrangør Egil Bjorå jobbar seg oppover den bratte Linndalen i 2012, og er framleis ved friskt mot endå det er langt att til Bortelid.
Foto: Geir Daasvatn
YX Tour de Bortelid er eit fire mil langt sykkelritt som blir arrangert av YX Evje og eigaren Egil Bjorå. Det går frå Hornnes barneskule til Bortelid. Rittet går gjennom Dåsvannsdalen, og førstemann opp Linndalen får klatretrøya. Det er premie til første mann over mål og til raskaste syklist, som ikkje alltid er førstemann over mål, for i dette rittet startar deltakarane med handicap. Deltakarane startar enkeltvis etter eit handicapsystem der den ein reknar vil vere best, startar sist. Albert Kjetså fraktar bagasjen opp til Bortelid med buss. Vel framme får deltakarane servering på hytta til Egil Bjorå av kona hans, Hilde Bjorå.
2014
- Rolf Arthur Aasland vann på 1.11.25 og fekk grøn trøye. Tida var ny rekord på strekninga
- Torbjørn Flåt kom først til mål og vann både gul trøye og klatretrøye
Kjelder
- Jan Olsen: YX Tour de Bortelid i morgon. Artikkel i Setesdølen nr. 70, 2014 side 3
- Jan Olsen: Regnet bøtta ned i fire mil. Artikkel i Setesdølen nr. 72, 2014 side 8