Runar Granheim
Runar Granheim
| ||
|---|---|---|
| ||
Foto: Siv Eline Jacob
| ||
| Født: | 18. april 1980 (44 år) | |
Runar Flåt Granheim (fødd 1980) er musikar, arrangør og låtskrivar. Frå oktober 2023 er han ordførar i Bygland.[1] Han bur i Åraksbø saman med familien. På eigedomen står det gamle Stoplestogburet.
Musikar
1. november 2013 lanserte han plata Ukjent mann på Tappen på Bygland og 10. november 2013 var det plateslepp i Oslo.[2]
Han har spelt med mange grupper og artistar tidlegare: Benedicte Brænden, Ivar Thomas, Harald Thune, Tuva & The Far Out Orchestra og Lucky Lips. Runar Granheim syng på dialekt om vennskap, det ein ikkje kan forstå i livet og om å drøyme seg bort. Han er multiinstrumentalist og spelar fele, trekkspel, gitar, banjo, mandolin, pedalsteel og tangentar.
Arbeid
Utanom musikken har han vore lærar på Hornnes barneskule, der han hadde ansvar for musikkundervisninga.[3] Men i januar 2018 tok han til i ny stilling som rådgjevar i Setesdal Regionråd. Han var knytta til prosjektet Setesdal gründer og samfunnsutvikling, men jobba også med andre saker.[4]
Politisk engasjement
Runar stod på 1. plass på Setesdalslista 2019, og blei vald inn i Bygland kommunestyre for 2019–2023.[5] Han er også vald inn i kommunestyret for 2023–2027, nå for Arbeiderpartiet, og er vald til ordførar for perioden.