Nomeland kyrkjegard

Den gamle kyrkjegarden 4. juni 2022.

Foto: Geir Daasvatn

Restar etter det gamle steingjerdet rundt kyrkjegarden.

Foto: Geir Daasvatn

Nomeland kyrkjegard er ein eldgamal gravplass på Nomeland i Valle, rett sør for Odde Sagbruk si byggevareforretning. Kyrkjegarden er ramma inne av eit lågt steingjerde, og måler rundt 40 X 60 m.

Historie

Ulike funn kan tyde på at kyrkjegarden ligg på ein eldre, heidensk gravplass. I katolsk tid var områda på vestsida av Otra eige kyrkjesokn. Det stod ei kyrkje på Nomeland då, truleg ei stavkyrkje. Ho kan ha vore i bruk frå slutten av 1000-talet og fram til rundt reformasjonen (1536). Nomeland kyrkjegard må ha kome ut av bruk ei gong i seinmellomalderen.

Kjelder

• Rotfest framtid. Temaplan for kulturminne Valle 2020–2032, side 17–18
• Kulturminnesøk.no
• Leonhard Jansen og Alfred Ryningen, Valle kommune VII, Kultursoge 1, 1994, side 100–103

Kart

• Norgeskart.no