Min kvedarlund

Fra Setesdalswiki
Share/Save/Bookmark
Hopp til: navigasjon, søk

Min kvedarlund er eit musikkalbum av Kirsten Bråten Berg frå 1988. I 1993 vart songane tekne med på CD-plata Kirsten Bråten Berg - Min kvedarlund 24 songar og stev.

Alle melodiane er tradisjon, arrangerte av Ale Møller og Kirsten Bråten Berg. Ale Møller spelar bouzouki, harmonica og synth. Hallvard T. Bjørgum spelar hardingfele og fele. Per Gudmundsson spelar fele og sekkepipe og Tellef Kvifte spelar fløyter, klarinett og saksofon. Opptaket var gjort i Rainbow Studio, Oslo i februar 1988, mastra av Jan Erik Kongshaug og produser av Ale Møller. Heilo musikkforlag gav ut plata, som hadde 15 spor.

Innhald[rediger]

  1. Reven og Nils fiskar - skjemtevise etter Gunvor og Gyro Uleberg i opptak gjort av Rolf Myklebust for NRK i 1950-åra. Visa er kjent i Sverige og Danmark, og i Åseral er det fleire variantar.
  2. Min kvedarlund - bånsullar og småviser etter T. Liestøl, Ingebjørg Liestøl, Jorunn Nomeland, Svein Hovden og Gro Faremo.
  3. Me skal bryggje til jul - glad vise med vemodig undertone etter Svein Hovden på voksrullopptak i 1920-åra.
  4. Tirili Tovann - gjetarvise etter Rachel Thommasen, Konsmo.
  5. Stev etter Tarald J. Uppstad og Hallvard Haugen.
  6. Haugebonden - opprinneleg norsk ballade etter Anne Sandnes, Gjøvdal, skriven ned av Torleiv Hannås i 1920-åra.
  7. Heiemo og nykkjen - ballade i Åseraltradisjon etter Gunvor Uleberg, Hornnes.
  8. Folkestadvisa - bygdevise om ulukkeleg kjærleik med melodi etter Anne Sandnes.
  9. Stev - etter Bjørgulv Bjørgum
  10. Fanteguten - skjemtevise som finst i mange variantar, her etter Aslak Fjermedal, Iveland og Olav Liestøl, Åseral.
  11. Sven Svane - vise med spørsmål og svar, Kirstens første møte med vokal folkemusikk.
  12. Vårliv - Dikt av Gunnar Rysstad til melodien Murukleiv-visa, ein melodi frå Telemark.
  13. Myllarvisa - Humoristisk friarvise etter Anne Sandnes og Jørund Smeland frå Gjøvdal
  14. Rallarvise - Etter Nils Solheim frå Søndeled og Ånen Egeland.