Marhyl

Fra Setesdalswiki
Share/Save/Bookmark
Hopp til: navigasjon, søk

Marhyl eller Marhøl er ein badeplass i Valle kommune om lag tre kilometer nord for Rysstad. Han ligg i Otra, like ved Otra Kraft sitt hovudkontor, ca 260 moh. Ved Riksveg 9 er det opparbeidd ein grei parkeringsplass, og så er det nokre meter å gå frå parkeringsplassen til badeplassen, som har både svaberg og sandstrand og er oversiktleg for vaksne som vil halde auge med ungane sine.

På fine soldagar er badeplassen svært populær, for den har høgaste temperaturen av badeplassar i Valle kommune. I samband med at det vart opparbeidd parkeringsplass, kom det ønske om å få vassklossett i tilknytning til badeplassen, som bare har utedo. Det har ikkje kome, truleg på grunn av kostnadene. Det har og vore ønske om å få ei flytebrygge på badeplassen, på same måte som det er flytebrygge på badeplassen på Honnevje.[1] Denne kom på plass våren 2013, men sanden som vart lagd på, har ikkje blitt fornya, og botnen burde vore reinska for kvistar og anna som er ugreitt for barn.[2]

Referansar[rediger]

  1. Ole Birger Lien: Her vil hylstringane ha flytebrygge. Artikkel i Setesdølen nr. 61, 2011 side 4
  2. Ole Birger Lien: Ber kommunen ruste opp badeplassen. Artikkel i Setesdølen nr. 59, 2013 side 6

Eksterne lenker[rediger]

Kart[rediger]

Sjølv om lokal uttale er Marhyl, er godkjent skrivemåte av namnet Marhøl.

Laster kart...