Leif Fjerdingstad
Leif Fjerdingstad
| ||
|---|---|---|
| ||
| Leif under LS-2009. Foto: Geir Daasvatn
| ||
| Født: | 15. mars 1949 (74 år) | |
Leif Kristian Fjerdingstad (fødd 1949) er ein tidlegare politimann og sjef for Utrykningspolitiet i Rogaland og Agder. Han pensjonerte seg frå politiet for fleire år sidan. Han bur på Fennefoss i Hornnes saman med kona Anne Grethe Fjerdingstad.
Opphaveleg kjem Leif Fjerdingstad frå Hokksund, men etter politiskulen kom han til Kristiansand i 1976. I 1990 vart han lensmannsbetjent på Evje. Der var han ikkje lenge, for i 1992 fekk han stillinga som sjef for UP i Rogaland og Agder i konkurranse med 40 andre søkjarar. Då hadde han vore opptatt av trafikkspørsmål lenge og vore distriktssekretær i Trygg Trafikk.
Fjerdingstad var leiar i Otra IL i 1991-1994. Han var leiar i handballgruppa i 1972. Han var leiar for hovudkomitèen for Landsskyttarstemnet på Evjemoen i 2009 og for landbruksmessa Naturligvis på Evjemoen. Han har også vore områdesjef og seinare avsnittsjef i Heimevernet. I 2019 er han på nytt leiar av hovudkomitéen for Landsskyttarstemnet på Evje.
Kjelder
- Olav Arne Kleveland, Otra IL 50 år - ei reise gjennom 50 års historie, jubileumsbok, utgjeve av Otra IL, 2010
- Fjerdingstad ny UP-sjef på Sørlandet. Artikkel i Setesdølen nr. 14, 1992 side 16