Klatreskogen
Hopp til navigering
Hopp til søk
Klatreskogen er ein aktivitetspark på Auensneset i Hornnes, i nær tilknytnad til Mineralparken i same området. Eigarar av Klatreskogen frå oppstarten i 2010 var TrollAktiv og Mineralparken med halvdelen kvar. I dag (2018) eig Mineralparken Eiendom alle aksjane.
Klatreparken har to avdelingar: Grand Park og Junior Park. Grand Park har 45 ulike aktivitetar. Alle aktivitetane er bygd mellom trea, 4-8 meter over bakken. Det er fire glideliner som kryssar elva. Den lengste er 200 meter. Junior Park er ein mindre versjon av Grand Park, men med eit konstant tilkopla tryggleikssystem. Junior Park har 18 ulike aktivitetar med ei 35 meter lang glideline som avslutning.