Ketil Homme

Fra Setesdalswiki
Share/Save/Bookmark
Hopp til: navigasjon, søk
Ketil Homme
Født: 16. mai 1976
Død: 29. februar 2020 (43 år)
Frå venstre: Ketil Homme, Silje Brottveit og Steinar Homme på Valle Bensin AS

Ketil Hallvardsson Homme (fødd 16. mai 1976, død 29. februar 2020 i Kristiansand) eigde og dreiv Esso-stasjonen i Valle, Valle Bensin AS 2011-2017, saman med Silje Brottveit, som var dagleg leiar, og Steinar Homme. Dei overtok drifta av stasjonen i februar 2011 og dreiv den i seks år.

Ketil Homme var son av Hallvard og Lisbet Homme. Han levde sine fyrste ni år i Leite bustadfelt før familien flutte til Sygard Bø i 1985. I tidleg alder markerte han seg som eit særs stort fotballtalent og trena blant anna med Start. I 2005 kunne Ketil Homme saman med Indre Agder Futsal smykke seg med ein NM-tittel i innandørs fotball.

Etter kvart slo Ketil Homme seg til ro i Valle og vart sambuar med Trine Brottveit (fødd 23. oktober 1987) og fekk ein son ved namn Edvin, fødd 13. oktober 2010. Sidan fekk dei dottera Lisbet.

Dødsfall[rediger]

Ketil Homme døydde 29. februar 2020. Han etterlet seg barna Edvin og Lisbeth, foreldrene brørne Vidar H. Homme og Steinar H. Homme samt annan familie og venner. Broren Lars Henrik Homme var død tidlegare.

SitatKjæraste Ketil døydde frå oss fredagskvelden. Brått og uventa, berre 43 år gamal. Den uendeleg snille og gode pappaen til Lisbet og Edvin er borte. Me har mist ein son, bror, onkel og svoger. Det er så ufatteleg og så vondt.

Ketil var i festleg lag i Kristiansand med to kameratar frå heimstaden då han vart funnen livlaus utpå kvelden. Kameratane og ambulansepersonellet gjorde det dei kunne for å berge han, men det gjekk likevel gale. Forhåpentlegvis får me etterkvart svar på kvifor hjarta til Ketil slo dei siste slaga akkurat denne kvelden.

No er det berre tomt og trist. Den strålande og optimistiske Ketil er ikkje blant oss lenger. Takk for omtanken me har fått i desse vonde dagane.
Sitat
– Vidar H. Homme på Facebooksida til Ketil Homme 2. mars 2020

Gravferda var frå Valle kyrkje fredag 20. mars 2020 klokka 11. På grunn av smitteverntiltaka som er sett i verk for å hindre spreiing av koronaviruset var seremonien diverre berre for dei næraste.

Kjelder[rediger]