Jørund Gunnarson Nordgaard
| Jørund Gunnarson Nordgaard | ||
|---|---|---|
| Født: | 21. februar 1871 | |
| Død: | 16. januar 1944 (72 år) | |
Jørund Gunnarson Nordgaard (fødd 1871, død 1944) var ein handelsmann og spelemann frå Vassend ved Byglandsfjord i Bygland.
Nordgaard utvandra til Amerika som ung gut på byrjinga av 1890-talet. Opphaldet blei kortvarig. Han kom attende til Norge, og blei ein av dei som var med på å utvikle den nye tettstaden Byglandsfjord, som oppstod då Setesdalsbanen blei opna. Nordgaard kjøpte eigedom av Gunder Abusdal, og etablerte seg som landhandlar. Han dreiv også med griseoppdrett og slakteri.I tillegg dreiv han bakeri og konditori.
Spelemann
Jørund Nordgaard var ein dyktig spelemann. Han lærte slåttespel av m.a. Gunnulv Gautestad og den eldre bror sin Jakop Nordgaard. På byrjinga av 1900-talet var Nordgaard med i fleire kappleikar, og vann fleire premiar. I 1920 var han på turné og heldt konsertar i fleire av kystbyane på Sørlandet. I 1920 spelte han i Oslo. I 1921 var han i Amerika og heldt konsertar for dei mange norsk-amerikanarane som var busette i det nordlege Amerika. I alt skal han ha halde over 50 konsertar. Først i desember 1921 var han tilbake i Norge. I åra som følgde var han ein ettertrakta spelemann, samstundes som han heldt fram i verksemda som kjøpmann på Byglandsfjord.
Kjelder
- Anne Tone Aanby (red.), Spelemannen - og slåttemusikken i Åmli, utgjeve av Åmli Boknemnd, 2018, side 84 og side 228
- Artikkel om Jørund Nordgaard på Avtrykk.no, publisert 10. mai 2022
- Reidar Tveito, Byglandsfjord 2. Samferdsla frå 1804 til 1896, og 97 hus frå 1893 til 1958, Byglandsfjord, 2021, side 82
- Vidar Lande, Mellom aust og vest. Folkemusikk i Evje og Hornnes, utgjeve av Vidar Lande i samarbeid med Evje og Hornnes Sogelag, 2024, side 138