Hovden Fjellbad

Akvedukten på Hovden Fjellbad på opningsdagen 27. september 2025.

Foto: Geir Daasvatn

Dagleg leiar Torvald Gautland 20. juni 2024, foran tomta som då skulle bli til ei stor utviding av verksemda.

Foto: Geir Daasvatn

Hovden Fjellbad er eit badeanlegg på Hovden i Bykle. I samband med nyopning etter brann 27. september 2025 endra verksemda namn frå Hovden Badeland til Hovden Fjellbad.

Nye anlegg etter brannen er 25 m symjebasseng med seks banar, stupebrett og sviktbrett, utandørs symjebasseng (akvedukten) og velværeavdeling med dampbad, badstoger, boblebad, kaldkulpar og lounge med servering. Litt for seg sjølv, i enden av ein akvedukt, ligg Otra badstoge.

Anlegg som står igjen etter brannen er familiebasseng, plaskebasseng for dei minste og sklier. Anlegget er fordelt på to etasjar. Hovden Fjellbad er eit heilårsanlegg, og i vatnet er det 30 grader.

Eigarskap og dagleg liing

Hovden Fjellbad, som vart etablert i 1990, er eigd av Hovden Prosjektutvikling, som igjen er eigd av Bykle kommune. Dagleg leiar er Torvald Gautland.

Historie

I 2011 hadde anlegget 49.500 gjester, noko som var ein nedgang på 1600 frå 2010. Omsetninga i 2011 var på 7,2 millionar, noko som var ein halv million mindre enn i 2010. Men på grunn av mindre straumutgifter etter at dei installerte flisfyringsanlegg, som stod ferdig i desember 2010, kom ein likevel ut på pluss-sida i rekneskapen.

Kjelder

• Roald Ankersen: Lager varme til eget badeland. Artikkel i Fædrelandsvennen 3. september 2012 side 14
• Marie Skjevrak Abusdal, I rute til opning av luksuriøse fasilitetar, artikkel i Setesdølen nr. 62, 2025, side 4–5

Eksterne lenker

• Hovden Badelands hjemmeside