Eksævegen
Eksævegen er ein privat skogsbilveg i Jordalsbø i Bygland. Han tek til frå Steinstog og går austover og oppover lia til Jordalsvatn. Ved Furustøyl, før ein kjem til Jordalsvatn, går ei grein av vegen over på nordsida av Søråni. Dette vegstykket følger nordsida av elva fram til Jordalsvatn. Herfra går denne greina på vestsida av vatnet nordover mot Sivarstøyl og fram til Sivårsåni som renn ut frå Sandvatn. «Hovudvegen» går på sørsida av Jordalsvatn forbi støylane Ratøygard og Trodverk og vidare til den gamle støylen Øy. Her er det snuplass. Ved Øy går ei grein av vegen gjennom Øyardalen inn til vatnet Eksæ. Men dette siste stykket er stengt med kjetting, og ikkje ope for almenn ferdsle.
Vegen er bomveg. Ein kan legge 50 kroner i ei kasse og køyre ein dagstur, eller betale eit noko høgare beløp for årskort. Men vegen blir ikkje brøyta om vinteren.
Eksterne lenker
Kjelder
- Kommunekart.com
- Reidar Vollen, Bygland gard og ætt, bind VII, utgjeve av Bygland kommune, 2012, side 534
- Detaljreguleringsplan Eksæ, høyringsutkast, dagsett 3. juni 2012, side 7