Åraksøyne
Åraksøyne er eit luft- og motorsportsenter i Valle kommune. Det ligg på austsida av Otra lengst sør i kommunen, om lag rett over elva frå Besteland på vestsida. Her er øvingsområdet for Setesdal folkehøgskule sine aktivitetar, og dei har både verkstad og undervisningsrom her. Hylestad snøscooterklubb har brukt området til trening og øvingskøyring.
På Åraksøyne ligg og Valle flyplass. Den har 800 meter lang rullebane med asfaltdekke i retning 01/19. Flyplassen er ein flyplass til ikkje allmenn bruk, og flyplassen har ikkje fast tilsett bemanning. Han er stengd om vinteren. Høgda over havet er 235 meter. Det er ikkje anlegg for å fylle drivstoff på flyplassen. Kvart år i juni vert flyplassen nytta til dragrace.
Frå juni 2013 har Stavanger Fallskjermklubb sin base på Åraksøyne.