Setesdal Brannvesen
Setesdal Brannvesen er eit interkommunalt selskap for medlemskommunane Iveland, Evje og Hornnes, Bygland, Valle og Bykle. Selskapet vart stifta i 2005 og har hovudkontor på Verksmoen på Evje. Fungerande dagleg leiar er Olav Nese.[1] Han overtok etter at brannsjef Michael Kristensen slutta i stillinga. Føremålet med selskapet er å dekke kommunane sine behov, plikter og oppgåver i brann- og eksplosjonsvernlova.
Visjon, mål og oppgåver
Setesdalsregionen skal til ei kvar tid ha ei optimal samfunnssikkerheit og beredskap i samband med store eller små ulykker. Alle innbyggjarane skal føle seg trygge uansett kvar ein bur i regionen, samt at det til ei kvar tid skal ytast ein høg kompetanse innafor feiing/tilsyn og brannførebyggande tiltak. Setesdal Brannvesen rykkjer ut ved Ulykkes- og katastrofesituasjonar som brann, redning og akutt forureining. Dei står for feiing og tilsyn med fyringsanlegg og arbeider aktivt med førebygging av brann og ulykker. Dei kan også utføre andre tenester som deltakarkommunane finn det føremålsteneleg å legge til selskapet og dei kan selje tenester knytt til førebyggande og beredskapsrelaterte oppgåver.
Brannstasjonar[2]
- Evje brannstasjon
- Iveland brannstasjon
- Byglandsfjord brannstasjon
- Bygland brannstasjon
- Rysstad brannstasjon
- Valle brannstasjon
- Bykle brannstasjon
- Hovden brannstasjon
2009
Dettte året var eit aktivt år for Setesdal Brannvesen. Det var 155 utrykningar mot 130 i 2008 og talet på bygningsbrannar auka frå 3 til 13. Totalt gjekk brannvesenet med eit underskot på 700.000 kroner i 2009. Av dette kunne dei dekke 100.000 kroner sjølv, resten måtte dei få frå eigarkommunane.[3]
Referansar
- ↑ Oversikt over tilsette på heimesida til Setesdal Brannvesen
- ↑ Oversyn over brannstasjonar i Setesdal på heimesida til Setesdal Brannvesen
- ↑ Sigrid Åsen Haugsgjerd: Millionunderskot i Setesdal Brannvesen. Arikkel i Setesdølen nr. 61, 2010 side 9