Stafossen

Stafossen i Tveitåna nord for Tveit i Flatebygd. Foto: Geir Daasvatn

Stafossen, foss i Tveitåna, som renn frå Årekleppvatnet oppe under Årdalsknapen i Bygland kommune, forbi Tveit i Flatebygd og ut i Otra rett nedanføre skulen på Evje. Frå Tveit til ho munnar ut i Otra kallast elva Oddeåna.

Stafossen ligg ganske langt oppe i elva, langs Stafossvegen. Namnet er truleg ei nedsliting av Stavfossen, sidan den lange fossen er rett som ein stav.

Kjelde

Oddmund Mogstad, Vassdragsnamn i Evje og Hornnes, Arnstein 2009, s. 30-37.